Falcons Summit — Körfəz ölkələri (Küveyt, Səudiyyə Ərəbistanı, Qətər, Birləşmiş Ərəb Əmirlikləri və Oman) və başqa dövlətlərdən  gələn investor, startap, sahibkar, şirkət və təşkilat numayəndələri, kiçik və orta biznes sahəsində fəaliyyət göstərənlər üçün keçirilən tədbirdir. Sammit, eyni zamanda kapitalın artırılması, böyük investorlar, biznes liderləri, beynəlxalq təşkilatlar və dövlət qurumlarının numayəndələri ilə işgüzar əlaqələr yaratmaq istəyən startap şirkətləri üçün ideal platformadır. “Falcons Summit” gələcək nəsil sahibkarlara mutəxəssis və investorlarla şəbəkə qurmaq, uzunmüddətli faydalı əməkdaşlıqlar yaratmaq imkanı verən bir məkandır.

“Falcons Summit”in əsas məqsədi müxtəlif sahələrdə fəaliyyət göstərən startapların innovativ layihələrini investorlara təqdim etmək, maliyyələşdirmə imkanlarını müzakirə etmək və Azərbaycanda olan sərmayə imkanlarını nümayiş etdirməkdir. Tədbir həmçinin yeni şirkətlər üçün böyümə imkanlarını yaratmaq, startaplara fikirlərini və layihələrini təqdim etmək, eləcə də onları investisiya mühiti ilə tanış etmək üçün nəzərdə tutulub. Tədbir zamanı potensial investor, vençur fond və startap şirkətləri arasında B2B görüşlər keçirilir.